Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Uyimizda bayram bo‘lib ketdi

Opam Marjona 8-sinfda, ukam Mashhurbek 4-sinfda o‘qiydi. Ota-onamiz bizga Lolaxon ammam Tojikistonda yashashini, ularning Zokirjon, Zohidjon, Zafarjon degan o‘g‘illari, Zulfiya ismli qizlari borligini aytishgan. Biroq ikki davlat o‘rtasidagi chegaralar yopiqligi bois, ulardan xabar ololmayotganlaridan xafa bo‘lishardi. Prezidentimiz sa’y-harakatlari bilan ikki davlat – O‘zbekiston va Tojikiston o‘rtasidagi do‘stona aloqalarning qayta yo‘lga qo‘yilgani va chegaralarning ochilgani barcha yurtdoshlarimiz kabi bizga ham katta quvonch olib keldi. Bu xabarni eshitgan kunimiz uyimizda bayram bo‘lib ketdi. Xuddi tug‘ishgan aka-inilarimizni ko‘rishga boradiganday xursand bo‘ldik. Ota-onam ta’tilga chiqishimiz bilan bizni ham Tojikistonga mehmonga olib borishlarini aytishdi. Eng muhimi, endi biz do‘st davlatlar maktablaridagi tengdoshlarimiz bilan ham yaqindan tanisha olamiz.

 

Rayhona SHOMUNAVVAROVA,

Farg‘ona viloyati Beshariq tumani 29-maktab 7-sinf

2016–2017 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.