Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Darslarda

Geografiya darsida

O‘qitivchi:

Ahmedov, bizga Oy yaqinmi yoki Xitoy?

O‘quvchi:

– Albatta Oy. Chunki Oyni har kuni ko‘ramiz, Xitoyni esa yo‘q.

 

O‘qituvchi:

– Latipov, chizgan xaritangda bitta nuqtadan boshqa hech narsa yo‘q-ku?

O‘quvchi:

– Axir ummonda suzib ketayotgan kema uzoqdan nuqtadek bo‘lib ko‘rinadi-da.

 

Ona tili darsida

O‘qituvchi:

– Hoshimov, “Ko‘chirma gap”, deb nimaga aytiladi?

O‘quvchi:

– Partadoshim Zeboning daftaridan ko‘chirib yozgan gapim “ko‘chirma gap” deyiladi.

 

O‘qituvchi:

– Hoshimov, otning turlarini ayt?

O‘quvchi:

– Saman, Tulpor, Biya.

 

 

Zoologiya darsida

O‘qituvchi:

– Qosimov, ko‘zoynakli ilon qaysi jonivorlar guruhiga kiradi?

O‘quvchi:

– Uzoqni ko‘ra olmaydiganlar guruhiga.

 

O‘qituvchi:

– Botirov, Afrikada yashaydigan oltita yirtqich hayvonning nomini ayt.

O‘quvchi:

– Yo‘lbars, bo‘ri, sher...

O‘qituvchi:

– Yana?

O‘quvchi:

– Yana, yana... uchta qoplon.

 

Darsdan so‘ng

Maktabdan qaytgan o‘g‘lidan oyisi so‘radi:

– Bugun darslar qanday o‘tdi?

– “Bobomnikida mehmonda” mavzusida insho yozdik.

– Sen nimalar haqida yozding?

– “Bobomnikiga borsak, eshiklari qulf ekan. O‘zlari mehmonga ketgan ekanlar. Darrov ortimizga qaytdik”, – deb bor gapni yozib qo‘ya qoldim.

 

To‘plovchi: Hilola

2016–2017 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.