Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Darslardagi hangomalar

Ona tili darsida

 

***

O‘qituvchi: – Valiyev, gapning maqsadga ko‘ra turlari necha xil bo‘ladi?

O‘quvchi: – Ikki xil.

O‘qituvchi: – Ta’rifla-chi!

O‘quvchi: – Rost gap va yolg‘on gap.

 

***

O‘qituvchi:

– Valiyev, qanday gapni “Ko‘chirma gap” deb ataymiz?

O‘quvchi:

– O‘rtog‘imizdan ko‘chirib yozgan gaplarni.

 

***

O‘qituvchi:

– Qosimov, sinonim so‘zlarni ta’riflab ber!

O‘quvchi:

– Kerakli so‘zni topishga qiynalib, o‘rniga ishlatilgan boshqa so‘z.

 

***

O‘qituvchi: – Valiyev, “Otam majlisga ketdi”, gapini tahlil qilib ber!

O‘quvchi: – “otam” – ot, “ketdi” – kesim.

O‘qituvchi: – “Majlis”-chi?

O‘quvchi: – Onamning aytishicha, u – bahona.

 

 

Zoologiya darsida

 

***

– Qosimov, nega ba’zi qushlar qishda janubga uchib ketadi?

– Chunki, hamma qushlar ketsa janubga sig‘maydi-da!

***

– Jomonov, ayiqning eng xavfli kushandasini ayta olasanmi?

– Asalari.

 

 

Odobnoma darsida

 

***

O‘qituvchi: – Valiyev, nega har kuni darsga kechikib kelasan?

O‘quvchi: – Bunga navbatchi aybdor. Maktab darvozasidan o‘tishim bilan qo‘ng‘iroqni chalib yuboradi.

 

To‘plovchi: MUHABBAT

2016–2017 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.