Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

“Gulxan”da xanda

Bolalar o‘qituvchining oldiga yugurib kelishdi.

– Ustoz, Jamol suvga tushib ketdi.

– Uni qutqargandirsiz?!

– Ha.

– Sun’iy nafas oldirdingizmi?

– Ancha urindik, ammo u qo‘limizdan chiqib, qochib ketdi.

 

***

Doniyor: – Dada, qilmagan ishi uchun bolani jazolab bo‘ladimi?

Ota: – Yo‘q, albatta.

Doniyor: – Onam bo‘lsalar meni jazolamoqchilar.

Ota: – Nima uchun?

Doniyor: – Dars tayyorlamaganim uchun.

 

***

Bir bola o‘rtog‘iga maqtandi:

– Mening dadam istagan mavzuingda gaplasha oladi.

– Buning ajablanadigan joyi yo‘q, mening dadam mavzusiz ham gaplasha oladi, – dedi o‘rtog‘i.

 

***

Yugurib ketayotgan ikki bolani ko‘rib Nosir o‘rtog‘idan so‘rayapti:

– Ular nega yugurishyapti?

– Kim birinchi kelsa mukofot oladi.

– Bo‘lmasa, ikkinchisi nega yuguryapti?

***

– Buva bu, otchami? – so‘radi Valijon yugurib borayotgan toychoqqa qarab.

– Yo‘q, bu toychoq, katta bo‘lsa ot bo‘ladi. Qo‘zichoq qo‘y bo‘ladi, – tushuntirdi bobosi.

– Unda “Matiz”imiz katta bo‘lsa “Captiva” bo‘larkan-da, – suyunib ketdi Valijon.

 

***

– Bu qanday gap, singlim? – dedi sotuvchiga xaridor. – O‘g‘limga, bir kilo deb bergan olmangiz yarim kilo chiqdi-ku!

– Shunaqami? Unday bo‘lsa siz o‘g‘lingizni ham tortib ko‘ring.

 

HUSNOBOD

2016–2017 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.