Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

“Gulxan”da xanda

– Maktabga borgim kelmayapti!

– Nega?

– Maktabda “A”ni yoz deyishadi.

– “A”ni yozishni istamaysanmi?

– “A”ni yozsam, keyin “B”ni yoz deyishadi-da.

 

***

– Ingliz tilidan besh soat dars oldim.

– Unda inglizlar bilan bemalol gaplasha olar ekansan-da?

– Yo‘q, men ingliz tilidan besh soat dars olganlar bilan bemalol gaplasha olaman.

 

***

Sharros quyayotgan yomg‘ir birdan to‘xtadi.

– Yomg‘ir ham tindi, – dedi onasi derazaga qarab.

– Charchagandir-da, – dedi o‘g‘li.

 

***

Bola qo‘shnisiga dedi:

– Oyim aytdilar, o‘n ikki dona tuxum qarz berib turar ekansiz. Tuxumlarni tovuqqa bostirar ekanlar.

– Sizlarda tovuq yo‘q-ku?

– Bundan tashvishlanmang. Akam narigi qo‘shninikiga kurk tovuq so‘ragani ketgan.

 

***

– Men o‘qigan vaqtimda tarixdan doim “5” olardim. Sen “4” olyapsan. Dangasa ekansan-da...

– Yo‘q, bobojon, sizning vaqtingizda tarix ancha qisqa bo‘lgan.

 

To‘plovchi: Muhabbat

2016–2017 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.