Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

“Gulxan”da xanda

Kim kimga o‘xshaydi

– Oyimning aytishlaricha, mening burnim otamnikiga, ko‘zim buvimnikiga o‘xshar ekan, – dedi Sardor.

– Mening qulog‘im amakimnikiga o‘xshaydi, – dedi Umid.

– Mening shimim akamniki, – deb gapga aralashdi Shavkat.

 

Ota-bola suhbati

– Bugun maktabda nimalarni o‘rgandinglar? – so‘radi ota o‘g‘lidan.

– Maktab hovlisini tozalashni, – javob berdi o‘g‘il.

 

Kimyo darsida

– Suyultirilgan qaysi metall bilan suvni muzlatish mumkin? – savol berdi o‘qituvchi.

– Metall izlab ovora bo‘lib yuradimi, suvni muzlatkichning muzxonasiga qo‘ysak, birpasda muzlaydi, – dedi “hozirjavob” Aziz.

 

Zoologiya darsida

– Ot uch soat, it o‘n soat, mushuk o‘n ikki soat uxlaydi, – dedi o‘qituvchi.

– Mushukdan qochib qutulgan sichqon necha soat uxlaydi? – so‘radi qiziquvchan Jamshid.

– Menimcha, u charchab qolib ko‘proq uxlasa kerak, – dedi o‘qituvchi.

 

Gulxanjon

2016–2017 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.