Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

“Gulxan”da xanda

***

O‘g‘il otasidan iltimos qildi:

– Dadajon, menga maymun olib bering.

– Olib bersam, uni banan bilan boqasanmi?

– Siz Hayvonot bog‘idagi maymundan olib bering. U yerda “Hayvonlarni boqish mumkin emas” deb yozib qo‘yilgan.

 

***

– Ikki voqeaning tasodifan bir-biriga to‘g‘ri kelib qolishiga misol keltiringlar-chi?! – dedi o‘qituvchi.

O‘quvchilardan biri qo‘lini ko‘tarib javob qildi:

– Dadam bilan oyimning to‘ylari bir kunda bo‘lgan.

 

***

Tish shifokorining xonasiga bir talay bola kirib keldi.

– Men tishimni oldirgani keldim, – dedi ulardan biri.

– Unda o‘rtoqlaring nimaga kelishdi? – so‘radi shifokor.

– Ular mening qanday dodlashimni eshitishmoqchi.

 

***

Bolakay bobosiga qarab “Bobo!” dedi, ammo bobosi uning gapiga quloq solmadi.

– Ovqat vaqtida gapirish odobdan emas, bolam, – deb tanbeh berdi bobo.

Ovqatdan keyin bobo nevarasidan so‘radi:

– Xo‘sh, boya menga nima demoqchi eding?

– Endi foydasi yo‘q, bobo. Sho‘rvangizga pashsha tushib ketgandi.

 

***

O‘quvchi chizgan rasmini o‘qituvchisiga ko‘rsatdi:

– Mana bu o‘tloqda sigir o‘tlab yuribdi.

– Iye, sigir bor-u, o‘tloq yo‘q-ku!

– Hamma o‘tlarni sigir yeb qo‘ygan-da, – dedi o‘quvchi.

 

***

Adabiyot darsida o‘qituvchi uyga topshirilgan “Men yangi yilni qanday kutib oldim?” degan mavzudagi inshoni tekshirayotib o‘quvchidan so‘radi:

– Ne’matjonov, nega inshoni yozmay kelding?

– Yangi yil kirmasdan uxlab qolibman.

 

To‘plovchi: Shodmon OTABEK

2016–2017 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.