Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Aziz kashfiyotchi

  • Rukn: Nigoh
  • 386 marta ko‘rilgan

Shirin so‘zlariga mehr qorishiq,

Nigohlari oftob nurini emgan.

Hayot yo‘llariga shoirlar oshiq,

U faqat biz uchun dunyoga kelgan.

 

Titroq lablariga yo‘lovchi kulgu,

Zahmat yelkasiga mingashib olgan.

Yaxshilikdan to‘lib yashaydi mangu,

U ikkinchi ona nomini olgan.

 

Ko‘kdagi yettinchi farishta bo‘lib,

Kechikib kirsak-da, kechirgani rost.

Hatto butun sinf bilimga to‘lib,

Bilim ulashgani daholarga xos.

 

U mening chindan ham ikkinchi onam,

Qalbi muhabbatga to‘la limmo-lim.

Meni ijodkor deb, kashf etgan odam,

Aziz kashfiyotchim – ustoz, muallim!

 

Umida SATTOROVA,

Navoiy viloyati Xatirchi tumani

Qishloq xo‘jalik kasb-hunar kolleji o‘quvchisi, “Nihon” to‘garagi a’zosi

2016–2017 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.