Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Qish kechalari

  • Rukn: Nishona
  • 13 marta ko‘rilgan

Daraxtlar uxlashar orom fasli bu,

Ammo mudom bedor yurt ko‘chalari.

Manzilga shoshadi kimdir beuyqu,

Bunchalar uzun-ay qish kechalari.

 

Uxlagan daraxtning shoxiga chiqib,

Sayraydi qushlarning bir nechalari.

Jahon adiblarin asarin o‘qib,

Ilhom olayapman qish kechalari.

 

Tongda chorlab turar meni ham o‘sha –

Ilm dargohiga yurt ko‘chalari.

Iliq kutib olar jonajon go‘sha

Bag‘ridan bo‘shatar qish kechalari.

 

Mohiniso BOBOQULOVA,

Samarqand viloyati Pastdarg‘om tumani

Tibbiyot kolleji 3-bosqich

2016–2017 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.