Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

“To‘yib nafas olaman...”

  • Rukn: Nishona
  • 97 marta ko‘rilgan

Toshkent oqshomi

Har qancha kech bo‘lsa ham

Ko‘chada qaynar hayot.

Toshkent oqshomi shudir,

Doim yorug‘ va obod.

Betakror bu go‘zallik

Aks etar har ko‘chada.

Havas-la unga boqib,

Kayfiyat zo‘r barchada.

Osmondagi yulduzlar

O‘zaro shivirlashar.

Sokin, o‘ychan tabiat

Samo bilan sirlashar.

Kechki salqin shamol ham

Xush yoqadi odamga,

To‘yib nafas olaman

Sayrga chiqqan damda.

Qalbni xushlar bag‘oyat

Turfa rangli chiroqlar.

Bu go‘zallik yonidan

Ketgim kelmas yiroqlar.

 

Qish qishligini qilsin-da

Yanvar ham ortda qoldi,

Qordan esa xabar yo‘q.

Gupillab yog‘ib bersa,

Ko‘nglimiz bo‘lardi to‘q.

Yer ham to‘ysin qorlarga

Yasaymiz zo‘r qorbobo.

Nachora qor bo‘lmasa,

Yasaymiz-da Loybobo.

Tomlar boshi oq qalpoq

Atrof oq libos kiysin.

G‘ichirlagan qorlarga

Ko‘zimiz rosa to‘ysin.

Erta-yu kech yog‘di deb,

Barcha xursand bo‘lsin-da,

To‘g‘risini aytganda,

Qish qishligin qilsin-da.

 

Ilyosbek DAMINOV,

Toshkent shahar

294-maktab 8-sinf

2016–2017 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.