Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Chempionlar maskanisan, ona yurtim!

Shavkatingni shohsupaga olib chiqqan,

Pahlavonlar saflarini yorib chiqqan,

“Zoʻrlar ichra zoʻr boʻlay!”, deb gʻolib chiqqan,

Oʻgʻlonlaring madh etmasam boʻlmas, Vatan!...

 

...Rustam, Rishod, Diyorbeklar diyorisan!

Elmurodning koʻksidagi tumorisan!

Muhammad-u, Murodjonning iqbolisan!

Ixtiyordek ishonchlari soʻnmas, Vatan!

 

Barchinlar ham yigitlardan oʻtar hali,

Oltin, kumush medallarni yutar hali,

Oksananing matonati – bu yurt shaʼni!

Suving ichgan qizlar qirqda oʻlmas, Vatan!

 

Boshimizni baland qildi bu kun mardlar,

Yuraklardan chiqdi asriy alam, dardlar,

Shodliklarga ulanganda shukr-u, hamdlar.

Bayramlaring toʻyonasiz boʻlmas, Vatan!

 

Bayrogʻimiz belanchakka yopib qoʻyay,

Beshigimga nishonimiz taqib qoʻyay,

Qulogʻingga bir niyatim aytib qoʻyay,

“Endi qalbda orzularim soʻnmas, Vatan,

Chempionsiz xonadonlar boʻlmas, Vatan!”

 

Muazzam IBROHIMOVA

2016–2017 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.