Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Iqboli buyuksan

Avvalo, rahmatdir

Onaga,

Soʻng esa albatta,

Otaga.

Bizlarga eslatmish

Hayotni,

Unutmang hech qachon

Ustodni.

Sen oʻzbek elining

Farzandi,

Istiqlol yurtining

Dilbandi.

Yashasang – makoning

Gulshandir,

Sheʼr yozsang –

Oynomang “Gulxan”dir.

Vataning gʻoyatda

Keng erur,

Barchaga barobar –

Teng erur.

Mehnatda qotsa ham

Suyaging,

Yerga hech tegmasin

Kuraging.

Har doim Alpomish

Qoʻllasin,

Hazrati Hizr ham

Yoʻllasin.

Chiniqtir mayliga

Sen tanni,

Unutma va lekin

Vatanni.

Bolajon, sen doim

Suyuksan,

Bilib qoʻy, iqboli

Buyuksan!


Abdulla Oripov

1994-yil 1-son

2016–2020 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.