Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

“O‘smoqda-ku bo‘yim ham...”

Yong‘q bo‘lsa bilardim...

Masalaga tish botmay

Yalinaman dadamga.

“Boshda yong‘oq chaqma”, deb

Jo‘natadi akamga.

 

Akam xunob. Manglaydan

Asta-asta oqar ter.

Surib chetga daftarim:

“Boshda yong‘oq chaqma”, der.

 

Xo‘p hayronman, ishim yo‘q

Mening aslo bosh bilan.

Yong‘oq bo‘lsa bir zumda

Chaqib yerdim tosh bilan.

 

Aqlli bola orzusi

Sher – onasin erkasi,

O‘zi ham zap taltaygan.

Og‘zi to‘lib uyalmay

Bizga aytar talay gap.

 

Hech kim unga, qo‘y endi,

Yaxshi bola bo‘l, demas.

Qachon, axir, bu qitmir

Chiqarmasdan yurar sas?!.

 

O‘tar kunlar kun quvib,

O‘smoqda-ku bo‘yim ham.

Bo‘lib qolar tez kunda

Mening sunnat to‘yim ham.

 

So‘ngra o‘qish, ish yana,

Ulg‘ayib qad keraman.

Buva bo‘lsam albatta,

Sherga tanbeh beraman.

 

Erpo‘lat Baxt

2016–2017 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.