Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Oyim urishmasin deb...

Buvijon

– Buvijon, yuzingizda

Nega buncha koʻp chiziq?

Qanday paydo boʻlgan u,

Sababi juda qiziq.

 

– Bu chiziqmas, yoʻllardir,

Lof qoʻshmadim soʻzimga.

Bosgan barcha izlarim

Koʻchib oʻtgan yuzimga.

 

Toshbaqa

– Erinchoqmi bilmadim,

Javob bering-chi aka:

Nega doim imillab,

Sekin yurar toshbaqa?

 

– Menimcha, unga qiyin,

Javobim xulosasi –

Tez yurishga xalaqit

Qiladi tosh kosasi.

 

“6” baho

– Qani, kelaqol oʻgʻlim,

Oʻtirgin-chi joyingga.

“6” baho oldim men, –

Deganmishsan oyingga?!

 

– Kecha darsim qilmasdan

Erta uxlab qolgandim.

Aslida ikki fandan

Ikkita “3” olgandim.

 

Oyim urishmasin deb,

Rosayam oʻyga toldim.

Ikkita “3”ni qoʻshib,

“6” deb qoʻya qoldim.

 

Oʻktam Sadin

2016–2017 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.