Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Quddus bobomni eslab

Oʻquvchiga esdalik

Yozgandi Quddus bobom,

Oʻtsa hamki qancha yil

Yod olish etar davom.

 

Bobom yozgan sheʼrining

Dilga yaqin har satri.

Qancha oʻqib yod olsak

Shuncha oshardi qadri.

 

Axir bobom oʻgiti

Satrlarda jamlanib,

Singib olib qalbingga

Borarding hayot tanib.

 

Bogʻbon boʻlgan bogʻ ekib,

Dehqon qarar dalani.

Kasbini eʼzozlagan

Quvnatadi hammani.

 

“Nimani qilsang tilak,

Bariga oʻqish kerak...”

Maktabni ustoz bilsang,

Oʻqishga kitob tirgak.

 

Soʻralsa mavzulardan

Javobga qoʻling koʻtar,

Oʻrgangan puxta bilim

Oʻquvchin Vatan kutar.

 

Davrada boʻlsin soʻzing,

Tilingdan uni uzma.

Maktab qonuni – qonun,

Kekkayib, yana buzma!

 

Maktabni ona bilib,

Oʻsayotgan bir jonsan.

Urib turgan yuragu

Tomirda oqqan qonsan.

 

Oʻquvchiga esdalik

Yozgandi Quddus bobom.

Oʻtsa hamki qancha yil

Yod olish etar davom...

 

Hamidulla Murodov

2016–2017 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.