Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Yangi yil shukuhi

Yurtim maydonlarida

Archalar koʻtardi qad.

Yangi yilning shukuhi

Kezar bilmayin sarhad.

 

Rang-barang chiroqlardan

Munchoq taqdi koʻchalar.

Diling yayrab ketadi,

Sayrga chiqqan kechalar.

 

Intilar saylgohga

Katta-kichik ushlab qoʻl.

Rastalarda sovgʻayu,

Shirinliklar moʻl-u koʻl.

 

Bayram bilan olqishlar

Baland, magʻrur archalar.

Oʻyinchoqlar egniga

Yarashibdi bunchalar.

 

Ertaklar shaharchasi

Yosh-qarini chorlaydi.

Yurakdagi orzular

Yulduzlardek porlaydi.

 

Moʻjizalar diyoriga

Aylangani rost erur.

Eshik chertar Yangi yil

Niyatlarim soz erur.

 

Zahro HASANOVA

2016–2017 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.