Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Yashnadi dala, bog‘lar

Yomg‘ir

 

Derazam asta chertib,

Yomg‘ir yog‘ar shivalab.

Bog‘-dalani yashnatib,

Tabiatni erkalab.

 

O‘zgachadir bu yomg‘ir,

Unda ko‘klam bo‘yi bor.

Zaminning uyg‘onishi,

Maysalarning kuyi bor.

 

Mayli, yog‘aver yomg‘ir,

Bo‘yoqlaring ko‘k bo‘lsin.

To‘yinsin ona zamin,

Elim, yurtim to‘q bo‘lsin.

 

 

Bahor quvonchi

 

Qish ketib bahor keldi,

Yashnadi dala, bog‘lar.

Tabiat husniga jo‘r

Qo‘shig‘in aytdi soylar.

 

Har yerda hayot qaynab,

Qushlar chug‘urlab qoldi.

Bahorga tashna qalblar

Quyoshdan ulgi oldi.

 

Oftob labida kulgu,

Borliqqa ulashdi sep.

Turfa gullar ochilib,

Chor-atrofga berdi zeb.

 

Svetlana Yo‘ldosheva

2016–2017 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.