Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

“Gulxan” uchrashuvlari

Toshkent viloyati Qibray tumani Chinobod qishlogʻidagi 27-maktabda “Bolaga kitob bering” nomli katta bayram tadbiri boʻlib oʻtdi. Bu bayram tashkilotchilari Sanobar Majidova rahbarligidagi 4-”A” sinf oʻquvchilari.

Maktab zaliga ota-onalar, oʻqituvchilar va barcha kitobsevar bolalar yigʻilishdi. Adabiy kechani maktab direktori Shahnoza Joʻrayeva ochdi. Zalda 4-sinf oʻquvchilari tayyorlagan ajoyib kuy va qoʻshiqlar yangradi. Kitob va bilim haqidagi sheʼrlar jarangladi. Tadbir mehmonlari – “Gulxan” jurnali bosh muharriri Zahro Hasanova hamda adabiyotshunos olima, bolalar yozuvchisi Zamira Ibrohimova kitob mutolaasi va uning oʻz hayotlaridagi oʻrni haqida gapirishdi. Bolalarni qiziqtirgan savollarga javob berishdi. Oʻquvchilarga oʻzlarining asarlaridan taqdim etishdi. Maktab ota-onalar qoʻmitasi ham kutubxonaga oʻndan ortiq kitoblarni sovgʻa qildi.

2016–2017 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.