Orzular tuganmas pok yuragimda,

Ollohim madadkor har bir onimda!

Orzular ro‘yobin ko‘rmoqlik uchun,

Bo‘lsin ota-onam doim yonimda!

Ota-yu onamdir mening boyligim,

Har qanday holimda hotamtoyligim.

Mehribon, bebaho,  jondan azizlar,

Sizlar tufaylidir dunyom, borligim.

Mehringiz taftida yuribman yashab,

Bu ko‘hna dunyoda quvonchga to‘lib.

Umrim gulzorining bog‘bonlarisiz,

Baxtim – tug‘ilganim qizingiz bo‘lib!

Shahzoda Rahmonova,

Guliston Davlat universiteti

2-bosqich talabasi