Guldan gulga qo‘nib kapalak,

Shivirlaydi bir ezgu tilak.

Uning so‘zin eshitmoq uchun

Quloq tutar atrof-tevarak.

Orzu-tilaklarin aytish-chun

Gullar ochilishin kutadi.

So‘ngra har bir chechakka asta

Uzoq umr tilab o‘tadi.

Hayotining har soniyasin

Ezgulikka bag‘ishlar faqat.

O‘zi bir kun umr ko‘rsa ham,

Barchamizga bo‘ladi ibrat.

Nafisa TOSHPO‘LATOVA,

Toshkent viloyati Chinoz tumani 17-maktab 8-sinf