Fasllar kelinchagi

Xushsurat Bahoroydir.

Taʼrifga ojiz qalam,

Gul-u gʻunchaga boydir.

Bu fasl hammamizga

Ulashar cheksiz shodlik.

Hasharda keksa-yu yosh,

Mahallada obodlik.

Qamashtirar koʻzlarni,

Quyosh nurlarin sochsa.

Dov-daraxtlar uygʻonar,

Kurtaklar koʻzin ochsa.

Ajib sirlarga toʻla,

Har oqshom, har tun, nahor.

Senga oshiq dillardan

Aslo ketmagin, Bahor.

Farruxjon ASHURBOYEV,

Toshkent tibbiyot akademiyasi xalqaro fakulteti talabasi