Tong otar, zulmatning pardasin ochib,

Yashirar yulduzni oftob nurlari.

Chapaklar chalmoqda barglar shod, xurram,

Maysalar yuzida inju, durlari.

Mehrning taftiga yoʻgʻrilgan shamol

Sochlarim silaydi, kulib birma-bir.

Quyoshning ziyosi yuzlarim oʻpar,

Men unga shaydoman, men unga asir.

Gulsanam BAHRIDDINOVA,

H. Olimjon va Zulfiya nomidagi

maktab-internati oʻquvchisi