Yangi yil bolalar qatori kattalar ham intiqlik bilan kutadigan bayram. Chunki bu bayramda hamma sovg‘a oladi.

*Yangi yil kuni archa bezatish an’anasi XVII asrning boshida Fransiyaning Elzas shahridan boshlangan. Archa o‘yinchoqlari esa qog‘ozdan yasalgan.

*XIX asrda Saksoniyada archa o‘yinchoqlari – har xil “qushlar va hayvonlar” shishadan yasalib, turli ranglarga bo‘yalgan.

*1895-yilda AQSHning Oq uyida birinchi marta archani rangli elektr lampochkalar bilan bezatishgan.

*Angliyada 1752-yilgacha yangi yil bayrami 25-martda nishonlangan.

*Eskimoslar esa yangi yil bayramini birinchi qor yoqqan kuni nishonlashar ekan.

*Isroilda bu bayram bir yilda 2 marta – 1-yanvar va sentabrda nishonlanadi.

*1843-yil Londonda ilk marta yangi yil otkritkalari chiqdi.

*XVIII asrdan beri Rossiyada archa tagiga sovg‘a qo‘yish an’anasi saqlanib qolgan.

*Afrikada archa o‘rniga palma daraxtini bezatishadi.

Yangi yil bayrami qaysi mamlakatda qanday nishonlanmasin, kishilarning niyati bir xil – yaxshilik, ezgulik.

Kirib kelayotgan yangi yil barchamizga omadli kelsin.

Barno LUTFULLAYEVA