Qattiq, yumshoqdir jismim,

Xatoni oʻchirgum jim.

Eng yaqin doʻstim chizgʻich,

Meni derlar...

Gullari mayda-mayda,

Boʻyogʻi siyoh rangda.

Sogʻintirib xush atrin,

Ochiladi...

Osmon uning otasi,

Bulutlar-chi onasi.

Kuz, bahorda joʻshadi,

Uning shoʻx ashulasi.

Yogʻib qolsa qor, yomgʻir,

Izlab qolasiz zir-zir.

Usti-boshingiz omon,

Uning nomi...

Yugurib yetolmaysiz,

Bir zum toʻxtatolmaysiz.

Kim mazmunli oʻtkazar,

Kim behuda-yu bekor.

Baliq emas suzadi,

Bogʻ-dalani kezadi.

Chuvalchang, qurt-qumursqa

Boʻlar unga ozuqa.

Zahro Hasanova