Gulxanjon bilan biz ancha yillardan beri yaqinmiz. Bu jurnal dastlab akam Temurbek, so‘ng men uchun qadrdon bo‘ldi. Shu bilan birga oilamizda ota-onam uchun ham eng sevimli nashr hisoblanadi. “Gulxan”da men yozgan she’rlar va akam chizgan rasmlarni ko‘rib maktabdoshlarimiz rosa sevinishdi. Maktabimizda tashkil etilayotgan tadbirlar mazmunan boyishida jurnaldagi maqola, she’r, topishmoq va xandalardan foydalanamiz. Maktabimiz har yili 50-60 dona “Gulxan”ga obuna bo‘lar edi. 2018-yil esa obunachilar safi yana kengaydi. O‘quvchilarning 100 nafari “Gulxan” jurnaliga obuna bo‘ldi.

E’zoza YO‘LDOSHEVA,

Qarshi shahridagi 19-maktab o‘quvchisi