Arslonning avlodi arslonga xos,

Mardlik, sadoqatdan kiyibsan libos,

Olg‘a bos, olg‘a bos, faqat olg‘a bos,

Hamisha sergagim – mening askarim,

Sen-la osudadir uyim, maskanim.

Temurbek maktabin a’lochisi sen,

Mardlikda hech kimsa kelolmagay teng,

Sevganing ona yurt, Vatan, bag‘ri keng,

Kenja botirimsan, mening askarim,

Sen-la osudadir uyim, maskanim.

Naqadar jo‘shqinsan, naqadar o‘ktam,

Vatan sarhadida turibsan bardam,

Qalbingda muhabbat lovullar har dam,

Hushyorsan, sen yorsan, mening askarim,

Sen-la osudadir, uyim, maskanim.

Har kunimiz bayram, har kunimiz to‘y,

Tinchlik ham har soat cho‘zayotir bo‘y,

Bu sening xizmating, shuni bilib qo‘y,

Seni olqishlayman, mening askarim,

Sen-la osudadir uyim, maskanim.

Ashurali BOYMUROD