Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Ikki she’r

Chuvalchang

– Oyijo-o-o-on? – deb yugurdi,

Hovliga Muhammadjon.

 – Qarang oyi, bog‘dan men,

Ilon tutdim kattakon.

 

Xavotirdan oyisi

O‘zin ushladi arang.

Qarasa-ki bolasi,

Tutibdi-ya chuvalchang.

 

Mazali o‘lka

Giloslarning qizargan yuzi,

 Olma shoxi egilgan yerga.

Dehqon esa kun-u tun tinmay,

Rosa botgan shalabbo terga.

 

Jilva qilar qirmizi olcha,

Sersuv o‘rik unga mahliyo.

 Barg ortida berkingan nokga,

O‘tib bo‘lmas boqmayin qiyo.

 

Qovun, tarvuz dalada hamon,

Sekin-asta qorayar kishmish.

Dehqon bobo, doim bo‘l omon!

 Azim o‘lkam go‘yoki behisht.

Zarnigor Bakirova, 

Respublika musiqa va san’at kollejining 2-bosqich o‘quvchisi

2016–2020 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.