Kel, Quyosh, do‘st bo‘lamiz,

Kezamiz keng olamni.

Yer sharin pok qilamiz,

Olib qog‘oz-qalamni.

Menda so‘z bor, senda – yog‘du,

Qalblarni yoritamiz.

Biz yerga tutib ko‘zgu,

Dardlarni aritamiz.

Yomonlarni yaxshiga,

Aylantirib qo‘yaylik.

Urushqoqni yaxshi gap

Bilan yo‘lga solaylik.

Yetar!

Urush-janjaldan

Charchagandir bu jahon...

Urushqoqlik o‘jar-da,

Yashaylik inoq-omon!

Yer yuzi yaxshilikka –

Ezgulikka burkansin.

Bizdagi bu do‘stlikka

Havas qilsin – o‘rgansin!

Sobir Jabbor