Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Tinchlik bo‘lsin!

Kel, Quyosh, do‘st bo‘lamiz,

Kezamiz keng olamni.

Yer sharin pok qilamiz,

Olib qog‘oz-qalamni.

 

Menda so‘z bor, senda – yog‘du,

Qalblarni yoritamiz.

Biz yerga tutib ko‘zgu,

Dardlarni aritamiz.

 

Yomonlarni yaxshiga,

Aylantirib qo‘yaylik.

Urushqoqni yaxshi gap

Bilan yo‘lga solaylik.

 

Yetar!

Urush-janjaldan

Charchagandir bu jahon...

Urushqoqlik o‘jar-da,

Yashaylik inoq-omon!

 

Yer yuzi yaxshilikka –

Ezgulikka burkansin.

Bizdagi bu do‘stlikka

Havas qilsin – o‘rgansin!

Sobir Jabbor

2016–2020 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.