Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Ko‘lmakdagi oy

Hovlimizga chiqsam men,

Zo‘rg‘a qo‘rqib-qaltirab.

Ko‘lmakning o‘rtasida,

Oy turibdi yaltirab.

 

Oldiga borib sekin,

Qo‘lim soldim shoshilib.

Ushlab olmoqchi edim,

Sinib ketdi sochilib.

 

***

Mallavoy

Mushukkinam Mallavoy,

Yon atrofga qaramay

Toshmi yoki temirmi,

Yurolmaydi yalamay.

 

Qish kunlari sovuqda

Qimirlagisi kelmay

Ko‘k eshikning dastasin

Yalab oldi u bilmay.

 

O‘sha ondayoq shappa,

Yopishib qoldi tili.

– Har narsani yalama! –

Dedi do‘q urib Guli.

 

Qirg‘iz tilidan

Nodirbek YO‘LDOSH o‘girdi,

Zomin tumanidagi 36-maktabning ijodiy-madaniy masalalar bo‘yicha targ‘ibotchisi.

2016–2023 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.