Biz ozodmiz, biz hurmiz,

Boshimiz tik, mag‘rurmiz.

Biz erishgan marralar,

Bu go‘zal manzaralar –

Mustaqillik ne’mati,

Istiqlol sharofati.

Do‘stlarim, katta bayram

Ko‘ngillar shod-u xurram.

Naqorat: Onamizdek parvona,

             Eng aziz, eng yagona

             Bizning jon-u tanimiz,

             Jannati Vatanimiz.

Elim, yurtim to‘yi bu,

Yuksalishning bo‘yi bu.

Yashnab borar kun sayin,

Shiddat bilan tinmayin.

Obod Vatan, obod yurt,

Obod yarim ko‘ngillar.                

Xalqim, qo‘lni qo‘lga ber,                

Ajdodlar ruhi qo‘llar.                                                                                                      

Naqorat:

Zahro HASANOVA she’ri,

Jumadulla NAZAROV musiqasi