Shu yurtda tug‘ildim, shu yurtda o‘sdim,

O‘zgacha muhabbat  his qilar jonim.

Qalbim uyin g‘am-u g‘ussadan to‘sdim,

Muqaddas beshiksan,  O‘zbekistonim!

O‘psam arzir, tuprog‘ing – aziz,

Ichsam, zilol suvlaring – toza.

To‘rt tarafing  keng quloch yoza,

Baxtdan olar mangu andoza.

Yelkaga  xalqimiz  yukin  yuklagan

Millatim bermaydi g‘animlarga dov.

U dengizdir, u  to‘lqindir,  u – olov,

Soya solmas, tosh otolmas na-da yov.

Senga bosh egaman, tabarruk xilqat,

G‘am cheksang,  dardingga men ham kuyaman.

Erkalab,  o‘zingni  Ona deb faqat,

Beg‘ubor boladek sevaman, Vatan!

Shirinoy Allamova,

Xorazm viloyati Yangibozor tumani

6-maktab psixologi