Turli daraxtlar bog‘da

Gaplashishdi choshgohda.

Olma dedi kerilib,

Saf oldiga surilib:

– Qarang, qanday qirmizi

Rangda tovlanar yuzim.

Jilmayib debdi o‘rik:

– Menman shu boqqa ko‘rik.

– Ta’mi eng shirin o‘zim, –

Kerilib debdi uzum.

Suhbatni tinglab shamol,

Yetib kelibdi darhol.

Daraxtlarni silkibdi,

Mevalarin to‘kibdi.

– Maqtanchoqning shu – holi, –

Debdi kamtar shaftoli.

Sobit MAHMADALIYEV,

Qashqadaryo viloyati Yakkabog‘ tumani 40-maktab 6-sinf