Bog‘im bezar misli kamalak

Nozik-nihol, mayin gullarim.

Chiroy ochib borar yanada,

Kunlar o‘tgan sayin gullarim.

Libosingiz biram bejirim,

Tikilishni qo‘ymas ko‘zlarim.

Husningizdan dil olar bahra,

Boqib sira to‘ymas ko‘zlarim.

Mohira NOSIROVA,

Olmazor tumani 261-maktab 8-sinf

Osmon – moviy, dalalar – zumrad,

Ko‘zin ochdi mudroq g‘unchalar.

Ariq bo‘yi xushbo‘y rayhonlar,

Navro‘z, dilbarmisan shunchalar?!

Yangilanar har safar hislar,

Kamalakda aks etar borliq.

Poyon bilmas quvonchlarimga

Mitti yurak qilmoqda torlik.

Syuzanna XOLMURODOVA,

Surxondaryo viloyati

Ildamlab boramiz soat ikkimiz,

Yalangoyoq kezdik bog‘larimizni.

Ba’zan zirapchalar kirdi tovonga,

Shabnamda yuvdik dil dog‘larimizni.

Ortga qayrilmoqqa yurak chidamay,

Xayol ikkimiz siz tomon yugurdik.

Tashnalikda yongan bir lahcha cho‘g‘day,

Tun rasmini joylab tongga ilindik.

Rohilabonu

Ilhom qanotiga aylanding, bahor,

Men qush bo‘lib uchdim she’r bo‘stonida.

Osmon tun pardasin ochganda sahar,

Quyosh bo‘lgim keldi baxt ummonida.

Maysalar imladi, kel, bag‘rimga kel,

Shamol shivirladi, ketdik yuksakka.

Ruhimga yengillik kiritib bulbul,

Qanotida uchdim osmon-falakka.

Dilnoza

Dadajonim opasi –

Ammajonim keldilar.

Mehmon bo‘lib shu kecha

Uyimizda qoldilar.

Rosa ertak eshitib,

Ukam bilan shodlandik.

Tongda ammamnikiga

Uchalamiz otlandik.

Bibisora TOSHBOTIROVA,

Andijon viloyati Buloqboshi tumani

13-maktab 5-sinf

“Ona” desam ko‘z o‘ngimda

Nurlanadi yuzingiz.

Qo‘shiq aytsam jarangimda

Ham she’rimda so‘zingiz.

Ona madhin keng jahonga

Ohang bo‘lib yo‘llagum.

Nomingizni sharaf-shonga

Burkamoqdir tilagim.

Farangiz OTAQULOVA,

Samarqand viloyati Ishtixon shahri

1-IDIM o‘quvchisi

Buvijonim hali yosh,

Ko‘zida porlar quyosh.

Paypoq to‘qib beradi,

Ertak o‘qib beradi.

Bizni erkalar shodon,

Ishga otlanar tongdan.

Kuni bo‘yi kutamiz,

Yo‘liga ko‘z tutamiz.

Madina ABDUMO‘MINOVA,

Toshkent shahar Yashnobod tumani

282-maktab 4-sinf

Bog‘lar gul tutar sizga,

Tog‘lar qiladi ta’zim.

Siz bor uyda g‘ussa yo‘q,

Siz bor davralar bazm.

Yashnar hayot bog‘imiz,

Kecha-kunduz charog‘on.

Ko‘nglimiz obod, butun,

Siz tufayli, onajon.

Mahbuba AYTJONOVA,

Qoraqalpog‘iston Respublikasi

Xo‘jayli tumani 14-maktab 8-sinf

Qish ham o‘tdi sog‘inib qorni,

Bahor keldi binafsha taqib.

Javondagi qo‘ng‘ir ayiqcham

Turar menga mo‘ltirab boqib.

Maydonchada qolgan halinchak,

Ba’zan seni qo‘msab qolaman.

Buvijonim aytgan ertakni

Takror-takror yodga olaman.

Husnora JALGASHOVA,

Toshkent shahri 179-maktab 6-sinf

Deraza ortidan pinhon mo‘ralab,

Hovliga qaradim sokinlik bilan.

Gulzor ichra yurdim sekin oralab,

Quyosh nurdan to‘shar yo‘limga gilam.

Ko‘zim qamashadi, gullar rang-barang,

Mayin, nafosatli qo‘ng‘iroq gullar.

Sariq, pushti, alvon – ko‘zlarim maftun,

Yashnaydi tovlanib chamandek dillar.

Munisa

Tabassum qilsa onam,

Yorishadi bu olam.

Oy uyalar ko‘rkidan,

Tong uyg‘onar uyqudan.

Onajonim bor bo‘ling,

Doim baxtiyor yuring!

Madina TOSHPO‘LATOVA,

Navoiy viloyati Qiziltepa tumani

26-maktab 8-sinf

Shuningdek, sahifamizga Jizzax tumanidagi 45-maktab 8-sinf o‘quvchisi Gulasal Dovidboyeva,Farg‘ona viloyati Quva tumani 64-maktab 4-sinf o‘quvchisi Ma’sumaxon Abdulahatova, Xorazm viloyati Hazorasp tumani 9-maktab 4-sinf o‘quvchi Sevara Shexnazarova, Qashqadaryo viloyati Qamashi tumani 7-maktab 4-sinf o‘quvchisi Sevinch

Sobir maktabdan qaytayotib o‘rtog‘i Zokir bilan aytishib qoldi. “Endi Zokir bilan o‘ynamayman”, o‘yladi Sobir uyda yolg‘iz choy ichib o‘tirib.

Shu choq oyisi chaqirib qoldi: – Sobir, choyingni ichib bo‘ldingmi, chelakka axlat solib qo‘ydim, to‘kib kel!

– Oyi, axlatni o‘sha tepalikka olib borishim shartmi, ariqqa to‘ksam bo‘lmaydimi? – so‘radi Sobir ichkaridan chiqib

Chuchmoma

Binafshaning ortidan

Yo‘lga chiqqan chuchmoma.

Qizg‘aldoq va loladan

Keltiribdi bir noma.

Osilgandek qo‘ng‘iroq,

Bo‘ynida oltin munchoq.

Ko‘ylagi och siyohrang,

Go‘zalligiga qarang.

Sarvdek qomati adl,

Ko‘rganda yashnaydi dil.

Turibdi yelda

Mustaqillik – bu quvonch,

Niyatlarim bir jahon.

Qunt bilan olay bilim,

Yo‘llarim oydin, ravon.

Mustaqillik – bu shodlik,

Onam yopgan shirmoy non.

Senga tayanch bo‘lgaymiz,

Buyuk Vatanim, ishon.

Nargiza HAYDARALIYEVA,

Sirdaryo tumani 41-maktab 3-sinf

Bahor keldi, Navro‘z keldi,

Quchog‘ida rizq-ro‘z keldi.

Bahor keldi, Navro‘z keldi,

“Hayot”, degan bir so‘z keldi.

Qo‘llarida qut-baraka,

To‘kinchilik olib keldi.

Oftob bilan o‘rtoqlashib,

Ko‘ngilga nur solib keldi.

Robiya HASANOVA,

Toshkent shahar 270-maktab 9-sinf

Boshimda ipak do‘ppi,

Egnimda-chi xonatlas.

Oy yuzlarim bir lo‘ppi,

Hamma qiladi havas.

Shijoatda, mehnatda,

Yashaymiz shod, baxtiyor.

Bizning o‘zbek qizlarga

To‘marisning ruhi yor.

Nilufar XUSAINOVA,

Xorazm viloyati Xiva tumani

2-maktab 8-sinf

Uyimiz – mo‘jaz makon,

Mehr-u muhabbatga kon.

Otajon – siz quyoshsiz,

Bog‘bonimiz – onajon.

Zahmat chekkaningiz chin

Vatan, farzandlar uchun.

Qilgan mehnatlaringiz

Ko‘rsatar bir kun kuchin.

Olmaxon BESHIMOVA,

Buxoro viloyati Qorako‘l tumani

1-maktab 9-sinf

Kuchim hisobga olmay,

Suv to‘ldirdim chelakka.

Ko‘tarib kelayotib,

To‘kib qo‘ydim yo‘lakka.

Achingancha chelak der:

“To‘g‘ri gapga quloq sol.

Menga ko‘p suv to‘ldirsang,

Shoshmagin-da, sal dam ol!

Munisa ERGASHEVA,

Jizzax viloyati Paxtakor tumani 17-maktab 6-sinf

Juda o‘xshagim kelar

Navoiy bobomlarga.

She’r yozaman hamisha

She’r suygan odamlarga.

Meni qiziqtiradi

Navoiyning o‘ylari.

Mittigina she’rimning

Qachon o‘sar bo‘ylari?

Zuhra XOLDOROVA,

Toshkent shahar Yashnobod tumani

161-maktab 5-sinf

Mehr berib o‘simliklar dunyosiga,

Aylandilar tibbiyotning siymosiga.

Butun dunyo qayta-qayta bosh egadi

Vatanimning buyuk Ibn Sinosiga.

Kezib sahro, tog‘-u tosh-u qirlarini,

Kashf etmishlar tabiatning sirlarini.

Har giyohning so‘zlariga quloq tutgan

Sino bobom tibbiyotga “qonun” bitgan.

Diyoraxon

Erta turib maktabga

Otlangandi Anvarjon,

Paypog‘ini topolmay

Xunobi oshdi chunon.

Ko‘rib qolib mushugin

Bo‘lib qoldi hayron-da,

Tishlab, tortib paypog‘in

O‘ynar edi ayvonda.

Gulnihol MUHAMMADJONOVA,

Farg‘ona viloyati O‘zbekiston tumani

2-maktab 6-sinf

Najmiddin Kubro nasli,

Pahlavon Mahmud asli.

Beruniyga vatandosh,

Manguberdiga yo‘ldosh.

Har bir ishda bosh-u qosh

Xorazm yigitlari.

Ma’mun akademiyasi,

Iftixordir Xivasi.

O‘ziga xos shevasi

Xorazm yigitlari.

Sa’dulla ATABOYEV,

Xorazm viloyati Hazorasp

Toshdan ham mustahkamdir

Ildizlari Toshkentning.

Kecha-kunduz porlaydi

Yulduzlari Toshkentning.

Poytaxt – bu millat faxri,

Tarixda u non shahri.

Maqtab uni nomladik,

U favvoralar shahri.

Xadichabonu OQILJONOVA,

Toshkent shahar Olmazor tumani

298-maktab 4-sinf

Shuningdek “Nishona” sahifasiga Andijon viloyati Buloqboshi tumani 13-maktab 3-sinf o‘quvchisi Xosiyatxon Jaloliddinova, Namangan shahridagi 18-maktab o‘quvchisi Robiyabonu Dadamirzayeva, Farg‘ona viloyati Beshariq tumani 2-IDUM o‘quvchisi Shahnoza Komilova, Surxondaryo viloyati Jarqo‘rg‘on tumani 46-maktab 7-sinf o‘quvchisi G‘anisher

Ko‘zlaringga olmagin hech yosh,

Bunga ko‘nglim berolmas bardosh,

Yomonlarga egmagansan bosh,

Ma’yus turgan ona haykali.

Intilarsan yaxshilik sari,

Bag‘ring kengdir dunyolar kabi,

Hijron qiynar o‘tsa ham yillar,

O‘g‘lin kutgan ona haykali.

Madinabonu ERGASHEVA,

2-Toshkent yuridik

–Binafshajon, binafsha,

O‘zing juda erkasan.

Lekin nega doimo

Yerga boshing egasan?

– To‘g‘ri aytding, o‘rtoqjon,

Erkaligim bilaman.

Go‘zal qilib yaratgan,

Yerga ta’zim qilaman.

Nasiba HAYITBOYEVA,

Qoraqalpog‘iston Respublikasi Amudaryo tumani 13-maktab 7-sinf

Men va Nurbekjon ukam

Oldik zo‘r velosiped.

Hech qayeri emas kam,

Haydadik biz ketma-ket.

Lek rul ketdi qiyshayib,

Egari tushdi sinib.

Attang, dedik shumshayib,

Endi bo‘lmaydi minib.

So‘ng chiroq qoldi o‘chib,

O‘zimga keldi hushim,

Birdan uyg‘ondim cho‘chib –

Yaxshiyam ekan

Sokin ummonlarning bag‘ridanmi yo,

Olis samolardan tushganmi Pushkin?!

Bedapoyalarga bo‘lib mahliyo

O‘sgan Muhammadning she’rlari jo‘shqin.

Uning jayronlari endi yig‘lamas,

Ko‘klamoy ko‘ksiga yomg‘irlar yog‘di.

Tanish teraklari bag‘rin tig‘lamas,

Shoir qo‘shiqlari bedordir endi.

Behro‘z

Ayam betob bo‘lib qoldilar,

“Ko‘rpa-to‘shak qilib oldilar”.

Kuymalanib, ayamay o‘zin

Va oxiri horib-toldilar.

Aka-uka aybdormiz bizlar,

Yordamlashmay qo‘ydik – esiz-a.

Onalarga qiyin bo‘larkan,

Xonadonda bo‘lmagach qizlar.

Tez sog‘ayib qaytsa ayajon,

Biror yumush aytsa ayajon,

Gapin ikki qilmay

Meni tepsang uchaman,

Darvozani quchaman.

Futbolchiga og‘aman,

Pufaklarga tog‘aman.

Mo‘ljalni ol,

Zo‘r bo‘ladi.

Hisob bir-u

No‘l bo‘ladi.

Asadbek BERDIYOROV,

Yunusobod tumani 220-maktab 5-sinf

Shu yurtning ertasimiz,

Bag‘rida erkasimiz,

Iqbolimiz charog‘on,

Tolening egasimiz.

O‘ng-u so‘l to‘la imkon.

Orzuimiz bir jahon,

O‘zbekiston nomini

Etmoq dunyoga doston.

Nodira MAMASHARIPOVA,

Toshkent

Shu yurtning ertasimiz,

Bag‘rida erkasimiz,

Iqbolimiz charog‘on,

Tolening egasimiz.

O‘ng-u so‘l to‘la imkon.

Orzuimiz bir jahon,

O‘zbekiston nomini

Etmoq dunyoga doston.

Nodira MAMASHARIPOVA,

Toshkent

Vatan, cheksiz, go‘zal sarhadlaringda

Yovqur, senga qalqon o‘g‘lonlaring bor.

Minglab nihollarga dil mehrin tikkan,

Bo‘stonlar yaratgan bog‘bonlaring bor.

Osmoning musaffo, suvlaring zilol,

Quchog‘ing bunchalar issiq va sokin.

Munosib vorislar bo‘lmoqlik

Qalbim yoritguvchi shamdirsan, Vatan,

Mening tanamdagi jondirsan, Vatan.

Bobolarim mangu uyquda yotgan

Yo‘llari nurafshon makonsan, Vatan.

Dehqon otam kabi hotamtoydirsan,

Munis onam yanglig‘ mehri boydirsan.

Qalbimda hamisha sening hur noming,

Men sajda qilguvchi qutlug‘

Sabzi mening ovqatim,

Kamroq sabr-toqatim.

Xavf-xatarni sezgan on

Bo‘lib qolaman “quyon”.

***

Samantoy mening nomim,

Arpa, suli taomim.

Dangasalik butkul yot,

Men shunday bir oddiy ot.

Shahzoda

Ko‘m-ko‘k adir, viqorli tog‘lar,

Lolazorlar, mevali bog‘lar,

Oyna misol tiniq suvlari –

Irmoqlari ko‘ngilni chog‘lar.

Osmon toza, ko‘m-ko‘k, beg‘ubor,

Yellar mehrin etadi izhor.

Oftob havas qilar husniga,

Dunyoda yo‘q bunday gul

Yoz keldi. Tog‘larning viqori go‘zal,

So‘qmoqda rayhonlar kulib turadi.

Baland qoyalarni ko‘rganda qalbim,

O‘zgacha bir zavqqa to‘lib turadi.

Asrlardan ertak aytar xarsangtosh,

Shodon qo‘shiq kuylar sharqiragan soy.

Tog‘ning bu sehrli sadolarini

Siz

Bulut yerga mo‘ralab,

Hayratga ko‘miladi.

Sharros yomg‘ir quysa gar

Yaproqlar cho‘miladi.

Bulutlar orasidan

Quyosh cho‘chib mo‘ltirar.

Yomg‘ir yuvgan yon-atrof

Chinnidayin yaltirar.

Abdusamat

Kitob – fayzli bilim bog‘i,

Yashnar unda dil yaprog‘i.

Oftobday nur taratar u,

Ilmdan bog‘ yaratar u.

Baxt-omading undan qidir,

U ko‘p jumboq kalitidir.

Bahora MAMIROVA,

Jizzax viloyati Paxtakor tumani

6-maktab 9-sinf

Aytgan har bir so‘zida zo‘r sehr bor,

Hikmatlarin eshitaman qonib-qonib.

Qadoq-qadoq qo‘llarida taft, mehr bor,

Nur bulog‘im – buvijonim, bobojonim.

Vatan uchun she’rlar yozsam faxrlangan,

A’lo baho olsam mendan xursand bo‘lgan,

Nabiralar qurshovida

Onajon, hayotbaxsh mehringiz

Dunyoni nurlarga to‘ldirar.

Erkalab har aytgan so‘zingiz

Ko‘nglimni osmondek bo‘ldirar.

Zahmatli mehnatlar tufayli

Uyimiz burkaysiz shodlikka.

Onajon, o‘xshaysiz shubhasiz,

Quvonchning egizi –

Bilimdon, dono, zukko,

Chaqnab turar ko‘zlari.

Bir so‘zli, matonatli,

O‘zbekiston yoshlari.

Sportda kuchli, qo‘rqmas,

Mag‘rur, baland boshlari.

Doim olg‘a intilar

O‘zbekiston yoshlari.

Fayoz

Ahil yashaylik har on,

Yuraylik baxtli, shodon,

Gulga to‘lsin shu makon,

Tinchlik bo‘lsin barqaror.

Yo‘limiz oydin, ravon,

Yashaylik sog‘, farovon,

Ko‘rmaylik g‘ussa, armon,

Tinchlik bo‘lsin barqaror.

Shahzoda

Kitobim, jon kitobim,

Sen tufayli ijodim.

Bir zum qo‘ldan qo‘yishga

Sira yo‘qdir ilojim.

Kitobim, hoy kitobim,

Shunday mening xitobim:

Seni o‘qimay qo‘ysam,

Bo‘lmay qoladi tobim.

Aziza

Shuningdek, sahifamizga Buxoro viloyati G‘ijduvon tumani 20-maktab 4-sinf o‘quvchisi Dildora Niyozova, Navoiy viloyati Qiziltepa tumani 39-ixtisoslashtirilgan maktab-internatining 7-sinf o‘quvchisi Jahongir Ne’matillayev, Qashqadaryo viloyati Shahrisabz shahri 107-maktab 7-sinf o‘quvchisi Sarvarbek Komiljonov,

Tashvishlaringni tuyib,

Quvonchlaringni suyib,

Doim izingdan yurib,

Yashagim kelar, Vatan!

Seni onamdek bilib,

Doim so‘zingga kirib,

“Mehr ko‘zda bo‘lar”, deb,

Yashagim kelar, Vatan!

Sen mening iftixorim,

Jo‘shar dilda

Tog‘da o‘sar tog‘ archa,

Tanasi parcha-parcha,

Aqlim lol, tikilgancha

Yashagan ekan qancha?

Archalarning sarasi

Cho‘qqilarning erkasi,

Viqor-la turar go‘yo,

Tog‘ning tanho bekasi.

Feruza

Qo‘ng‘ir ayiq juda quvnoq,

O‘zi momiq, semiz biroq.

Baliqlarni tutay, deydi,

Bir yamlamay yutay, deydi.

Asalni g‘amlab olib,

Qish bo‘yi dong qotadi.

Beparvo uyquchini

Ayting, kim uyg‘otadi?

Lobar

Inson ko‘ngli istaydi

Shirin so‘z, shirin kalom.

Ayniqsa dil yayraydi

Eshitsangiz “Assalom”.

Oyim doim uqtirar:

“Dilni og‘ritmoq yomon,

Mehr ustun tursa gar

Dunyo bo‘ladi omon”.

Nozima