Koʻz ochib, dunyoni ilk bor koʻrganda,

Hayot tashvishidan edik begona.

Qadam bosib, endi tilga kirganda,

Birinchi soʻzimiz boʻlgandi – “Ona”.

Ona bu – poklikdan yaralgan navo,

Ona moʻtabardir, u Momo Havo.

Tiriklik suvini sut qilib bergan,

Tunlari uxlamay beshik tebratgan.

Ona borki, dilda yoʻqdir gʻam-alam,

Taʼrifin bitishga ojizdir qalam.

Ona borki, goʻzal bu yorugʻ olam

Der: yorugʻ jahonim oʻzingsan, bolam.

Muxlisa HAMDAMOVA,

Qashqadaryo viloyati

Dehqonobod tumanidagi

71-maktabning 8-sinf oʻquvchisi