Mushtdekkina yuragim,

Torlik qilar orzumga.

Tog‘ni talqon qilguday

Tinch qo‘ymaydi bir zumga.

Orzularim viqorli,

Tog‘lar bilan bellashar.

Orzularim behaddir,

Osmon bilan bo‘ylashar.

Narvon qo‘yib ko‘k toqiga

Oy yoniga chiqquday.

Kezib cheksiz fazoni

Yulduzlarni quchguday.

Qadrdon ko‘hna zamin,

Gulga burkasam, deydi.

Yomonlikni yo‘qotib,

Mehr purkasam, deydi.

Nafisa PARDAYEVA,

Surxondaryo viloyati Denov tumani

36-maktab 8-sinf