Kuni tunga ulanib borar,

Hordiq nima? Mehnat bayoti.

Tong uyg‘onmay, tandir non yopar,

Jo‘shqin, turfa qishloq hayoti.

Boshlanadi shu shirin tashvish,

Quyosh uxlar, bog‘da qaynar ish.

Mehnat birdek etadi davom,

Xoh yozmi u, xoh qahraton qish.

Tuproq o‘pib dehqon bola der:

“Yuragiman shu aziz yerning”.

Manglayidan tomgan halol ter,

Chanqog‘ini qondirar yerning.

Tomi loydan koshonasini,

Tog‘dan katta yuragi bordir.

Oftob o‘par peshonasini,

Yerga tegmas kuragi bordir.

Maftuna ABDIMO‘MINOVA,

Surxondaryo viloyati Denov tumani