Olam chirogʻi Quyosh,

Bilasizmi necha yosh?

U porlar koinotda

Eng kuchga toʻlgan yoshda.

U Yerimiz otasi –

Oymomaning bobosi.

Hammasi boʻlib uning

Bordir sakkiz bolasi.

Yupiter eng kattasi,

Merkuriy kichkintoyi.

Ularning orasida

Yerimiz erkatoyi.

Sakkizta ogʻa-ini

Quyoshning panohida.

Yashaydi qoʻl berishib

Koinot dargohida.

Sakkiztasi har yona,

Atrofida parvona.

Sayyoralar koʻp ahil,

Harakatda muttasil.

Qutbi KAMOLOVA,

Toshkent shahar Yunusobod tumani