Shiddat bilan rivoj topmoqda –

Zamonamiz, bu hali kamdir.

Nonni inson pechda yopmoqda,

Unutilib ketmoqda tandir.

Tandirnondan boʻldikmi zada?

Qoʻyyapmiz-ku, uni unutib.

Tarix bordir har bir narsada,

Pech nonini biz oldik kutib.

Bilmam, uni kimlar yaratdi,

Chorlar meni nega hadikka?

Tandirnon-la tik edi qaddim,

Oʻrgatardi oʻtnafaslikka.

Sezyapsizmi, sogʻinchim hissin?

Balki sogʻinch, balki alamdir.

Pech noniga bermanglar izn,

Unutilib ketmasin tandir.

Madinabonu ABDUQAHHOROVA,

Andijon viloyati Paxtaobod tumani

36-maktab 9-sinf