Temir bo‘lish kerak irodasi ham,

Bizning temir yo‘lda ishlamoq uchun.

Halollik qo‘lidan ushlamoq kerak,

Temir yo‘l nonini tishlamoq uchun.

Mening dadajonim temir yo‘lchidir,

Mehnat qilmoqdalar ko‘p yildan buyon.

Zahmatkash, fidoyi mehnatlari-chun,

Qalbdan faxrlanib ketaman chunon.

Charchamang, deyman hech ulug‘ ishlardan

Ollohim qilsin-da sabringizni keng.

Umringiz uzoq va ziyoda bo‘lsin,

Misoli siz qurgan relslarga teng.

Malohat NIZOMOVA,

Navoiy viloyati Navbahor tumani

11-maktab 9-sinf