Yoshlik bu qalbingda yashaydi shoir,

Yangilik yaratmoq istar yuraging.

Olis bir marrani etganda ishgʻol,

Tobora oʻzgarar dilda tilaging.

Mavjlanar yuksakda nurli istiqbol,

Kelajak ham senga kulib gul tutar.

Oʻshanda boʻlasan buyuk bir inson

Hali seni qancha mashaqqat kutar.

Yoshlikda yarashar shoʻxlik, shodonlik,

Gʻayrat, ham shijoat toshar qoningda,

Orzular qilgin sen, qilma nodonlik,

Uni gʻanimat bil har bir oningda.

Bibihojar TUROPOVA,

Qashqadaryo viloyati Yakkabogʻ tumanidagi 54-maktabning 10-sinf oʻquvchisi