Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

“Gulxan”da xanda

Ota oʻgʻlidan soʻradi:

– Bino besh qavatdan iborat. Har qavatdagi zinaning 22 tadan pogʻonasi bor. Beshinchi qavatga chiqish uchun qancha pogʻona bosish kerak?

– Hammasini-da!

 

***

– Tipratikan nima bilan oziqlanadi?

– Kaktus yesa kerak-da.

 

***

– Oʻzidan tok oʻtkazuvchi qanday buyumlarni bilasan?

– Simyogʻochni.

 

***

– Masalani yechdingmi, bitta qalam qancha turar ekan?

– Ikki ming soʻm.

– Toʻgʻri, buni qanday topding?

– Doʻkonga borib, sotuvchidan soʻrab oldim.

 

***

– Choʻrtan baliqni nima uchun yirtqich deyishadi?

– Akulaning qarindoshi boʻlgani uchun.

 

***

Tarbiyaviy soatda odob haqida soʻz bordi.

– Tolibov, – soʻradi ustoz, – koʻchada olma solingan ogʻir toʻrva koʻtarib kelayotgan qizchani koʻrib qolding, deylik. Nima qilgan boʻlarding?

– Uning oldiga borib, odob bilan olma soʻrardim.

2016–2020 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.