Sakrashda eng birinchi,

Tunda ham yo‘qdir tinchi.

Yeb to‘ymas, xo‘p ochofat,

Bedana suygan “ovqat”.

***

Qizil ko‘ylagi xol-xol,

Suygani gul va nihol.

Gul bargida jon saqlar,

Issiq kunlarni yoqlar.

Qo‘ng‘izlarning yulduzi

Topdim, budir...

***

Arilarning sultoni,

Biroz xunukroq nomi.

Uning suygan uyasi

Qassobning qanorasi.

Qovoqqa nega o‘rtoq,

Shuni bilmayman biroq.

***

Yoshi milliondan oshgan,

Tomoq dardida shoshgan.

Uzun mo‘ylov, qiltiriq,

Hech bo‘lmaydi to‘ydirib.

Yuguradi jonsarak

Ochko‘z, surbet...

***

Yum-yumaloq qorindor,

Savlatida bor viqor.

Yeyishdan qo‘rqmang hargiz,

Buyrakka shifo...

***

Qamishzor, botqoq, namni

Suyadi surbet jondan.

G‘ing‘illab qo‘shiq aytib,

Miriqib so‘rar qondan.

Aytaymi sizga sirin,

Bu o‘sha mitti...

Muhabbat Hamidova