Qumdan yaralar oʻzi,

Deraza, eshik koʻzi.

Rangi yoʻq, yuzi silliq,

Uyni tutadi issiq.

***

Bir ajoyib oq uycha,

Ichida qavat tokcha.

Boʻlsa hamki issiq, yoz,

Uychani ichi ayoz.

***

Ikki yaproq jonu tan,

Unga chamanzor Vatan.

Gulzorda gul oralab,

Gulga qoʻnar saralab.

***

Aql bilan soʻzlasa,

Dono soʻzlar tizilar.

Gʻazab bilan soʻzlasa,

Zahridan dil ezilar.

***

Qanot qoqmay uchar qush,

Bajarib ming bir yumush,

Samolarni quchadi,

Yurtdan yurtga uchadi.

***

Oʻrogʻi yoʻq oʻradi,

Xaskashi yoʻq yigʻadi,

Toy-toy jamlaydi somon,

Dondan yasaydi xirmon.