Kerakli mahsulotlar: 3 dona tuxum, 1 piyola shakar, 1 piyola qatiq, 100 gr margarin, 2 osh qoshiq kakao, 1 choy qoshiq soda, keragicha un.

Tog‘orachaga tuxumni chaqib ustidan shakar, qatiq, ichimlik sodasi solib yaxshilab aralashtiramiz. Margarinni eritib olib, uni ham aralashtiramiz. So‘ng elangan unni solib xuddi keksnikidek xamir tayyorlaymiz (suyuqdan quyuqroq). So‘ng bu xamirni teng ikkiga bo‘lamiz. Biriga kakao qo‘shamiz. Biri oq, biri qora xamir bo‘ladi. So‘ng dumaloq tort idishga (tova kattaligida) o‘simlik yog‘i surtib, bir qoshiq qora, bir qoshiq oq xamirdan solib idishni to‘ldiramiz. Gaz pechida o‘rtadan pastroq olovda 40-45 daqiqa pishiramiz.

Barno Lutfullayeva tayyorladi