Yaqinda “Los Anjeles  Times” nashrida  e’lon  qilingan xabar  ko‘pchilik  o‘smirlarning  havasini  keltirdi.  Nega  deysizmi?  Negaki    kaliforiyalik   14  yoshli Kayran  Kuazi tex­nika  qiroli  Ilon  Maskka qarashli Spake X kom­paniyasi   ishga  taklif  qilingani uchun-da.

Tengdoshingiz Kayran Kuazi Santa  Klara  universitetining muhandislik maktabini tu­gatgach,  sun’iy yo‘ldosh  aloqasi va  kosmik  kemalar bilan shug‘ullanuvchi ushbu  kom­paniyada dasturiy ta’minot muhandisi lavozimida   ish  boshlaydi.

Kuazi – vunderkind. U o‘zining erta  rivojlangan intellektual qobiliyati bilan  dunyoga  mashhur bo‘lib, ikki  yoshidayoq fikrini  so‘zlar  yordamida aniq tushuntira olgan. To‘qqiz  yoshida,  ya’ni  maktabning  uchinchi sinfini tugatishi bilan  kollejga  qabul qilingan. Hech qancha  o‘tmay  kollejning  eng  a’lochi  o‘quvchisiga  aylangan. Kuazi  kelajakda Space X (kosmik texnikalarni ishlab chiqaruvchi kompaniya)da Starlink  sun’iy yo‘ldosh internetini ishlab  chiquvchi  jamoa bilan hamkorlik qilmoqchi. Yoz tunlari  osmonga tikilib  yotganingizda,  qator  bo‘lib  uchib  ketayotgan yulduzlarga ko‘zingiz tushsa, bilingki, bu sayyohlar yulduz  emas. Ular  o‘sha  Ilon  Maskning  e’tiboriga tushgan topqir Kuazi yaratayotgan sun’iy yo‘ldoshlar marjoni. Ha aytmoqchi, Kuazi a’lo  o‘qish  bilan  birga  fantastik  kitoblarni ham mazza qilib o‘qiydi. Balki  shuning uchun  ham...

Aql  yoshda  emas, boshda deganlari shu  bo‘lsa  kerak-da!