1964-yil 20-mart kuni Surxon­daryo viloyati Sariosiyo tumanidagi Shotiro‘d qishlog‘ida tug‘ilgan. O‘z­be­kiston Milliy universiteti qo­shi­­dagi Oliy adabiyot  kursida  tah­­­­­­sil olgan. Mehnat faoliyati da­vo­mida “Tong yulduzi” gazetasida mu­­harrir (2007-2008-yillarda), 2008-2023-yillarda bo‘lim muharriri la­­­vo­zimida ishladi.  Hozir ham ushbu gazetada faoliyat yuritib kelmoqda.  “Bodomginam” (2003-yil), “Qorachiqda asraganimsan” (2005-yil),  “Bahorimdan kechikkan gul” (2007-yil), “Qirq g‘azal” (2009-yil), “Boshimda osmon aylanar” (2014-yil), “Qarog‘imda gullaydi Vatan” (2016-yil), “So‘z chamani” (2020-yil), “Ismingni yurakka yashirdim” (2021-yil)  nomli   she’riy  hamda “Ibratli hayot” (2005-yil),  “Baxt izlagan Odam” (2007-yil), “Yakkabog‘da ulg‘aygan chi­nor” (2013-yil) nom­li biografik qissa va “Tog‘lar ham qariydi” (2012-yil),  “Lolazorim Shotiro‘d” (2020-yil) nomli hikoyalar to‘plami muallifi. Shoirning ko‘plab she’rlari qo‘shiqlarga aylanib, xalqimiz qalbidan joy olgan. Bunga mashhur “Shukur qil” qo‘shig‘ini misol qilish mumkin.

U jahon ada­biyotidan  Shayx Sa’­diy, Lo­yiq She­­­­­rali, Mu­­­ham­­­­mad ibn Ro­­shid  al-Mak­tum  kabi sho­­ir­lar­ning asar­laridan namunalarni o‘zbek tiliga o‘gir­gan.

Axtamquli 2008-yildan buyon  O‘z­­be­kiston Yo­­zuvchilar uyushmasi hamda Respublika  ma’­na­viyat va ma’rifat targ‘iboti guruhi a’zosi hisoblanadi.