Yozgi ta’til arafasida turgan do‘stlarim! Albatta, to‘qqiz oy davomida maktabga qat­nab, turli fanlardan bilim olib, uyga be­rilgan vazifalarni tayyorlab, darslarda faol ishtirok etib, biroz toliqqansiz.  Bular o‘quv­chidan katta mehnat talab qiladi. Qo‘shimcha repetitorga  yoki “Barkamol avlod markazi”dagi  to‘ga­raklarga qatnagan bo‘lsangiz, “Endi yozda ozgina dam olishim kerak” degan fikringiz bo‘lishi tabiiy. Bu borada biz sizni  qo‘llab-quvvatlaymiz. Ammo... Bu degani uch oydan iborat yoz fasli davomida  yotvolib telefonga sho‘ng‘ish, televizorning bolasiga aylanish, You Tubening hisobini to‘ldirish, degani emas. Oralaringizda allaqachon o‘zini yaxshi anglab olgan, vaqtining har bir soniyasi, soatini  qadriga yetadigan bolalar bor, ularga qarang. Ular xorijiy tillarni o‘rganyaptimi, hunarmandchilik ishlarida, oiladagi uy-ro‘zg‘or, xo‘jalik yu­mush­larida ota-onaga yordam beryaptimi, bo‘sh paytida badiiy kitoblar o‘qi­yaptimi, to‘garaklarga qatnayaptimi? Ular­ga havas qiling, do‘st tutining, hamroh bo‘ling.

Siz shiddat bilan o‘zgarib, yuksalib bo­rayotgan Yangi O‘zbekistonning  umidi, kela­jagisiz. Yurtimizda kitobxonlik mada­niyatini  oshirish bo‘yicha bir qator ishlar amalga oshirilyapti. Maktab, tuman, viloyat kutubxonalari davlat mablag‘lari hisobidan yangi kitoblar bilan to‘ldirilyapti, boyitilyapti. “Yoshlar uchun – ming kitob” loyihasi do­ira­sida barcha kutubxonalarga bepul kitoblar tarqatilmoqda. Ta’til davomida mak­tab ku­tubxonasidan  yo­shingizga mos ba­di­iy ki­toblarni  tanlab,  ko‘p­roq o‘qishga ha­ra­­­kat qi­ling va ularni ro‘y­xat qilib boring. Ishonaman, oradan ko‘p o‘tmay mutolaa qilgan kitoblaringiz aq­­lin­giz­ni zukko, nutqingizni bur­ro, dunyoqarashingiz va fik­­­­ringizni o‘stirganida siz yur­­­­­­timizda o‘quvchi yoshlar o‘r­tasida har yili bo‘lib o‘ta­digan “Yosh kitobxon” tan­lovida ishtirok etasiz. Kitob­xon tengdoshlaringiz bilan bel­lashib, o‘zingizni si­nab ko‘­rasiz, ongingizni, hayo­tingizni yangi ma’nolar bilan boyitasiz. Ajab emas, kun kelib bilimdon yoshlarning “Zakovat” loyihasi qatnashchisiga aylansangiz.

Kitob – barcha bilim­lar­ning, ochilmagan eshik­larning ka­liti. Har bir o‘quvchining ota-onasi, maktabi, ustoz­la­ri oldida mas’uliyati va javob­garligi bor. Bu – kelajak oldi­dagi javobgarlikdir. Savoli yo‘q bolaning maqsadi, bili­mi, qiziqishi, fikrlashi ham bo‘lmaydi. Fanlarga qi­ziqqan, bilim egallashga in­tilgan bo­la­larning qalbi to‘la savol bo‘­ladi. O‘zini “Men ota-onam­ga, do‘stlarimga, Va­ta­nim­ga ke­rak­man”, deb o‘y­lagan o‘quv­­chi o‘qish va o‘r­ganishdan to‘xtamasligi kerak.

Bu yilgi ta’til kunlari siz­ning ong-u tafakkuringizda o‘z­­ga­rishlar bo‘lishida o‘zga­cha o‘rin tutishiga ishonaman.