Qizaloq:

– Oyijon, dadajon, kasal emish tabiat.

Oyisi:

 – Xavotir olma qizim, davolaymiz biz albat.

Qizaloq:

– Rostdanmi? Qanday qilib?

Oyisi:

– Hozir olasan bilib.

Oyisi:

– Zarur bo‘lmasa chiroq,

O‘chirib qo‘ying shu choq.

Bolalar:

– Mana o‘chirdik chaqqon,

Chiroqlarni, oyijon.

Dadasi:

– Suvni qilmaylik isrof,

Har yer bo‘lsin, toza, sof.

Bolalar:

– Dadajon, mana shoshib,

Jo‘mrakni qo‘ydim yopib.

Hammasi:

– Birgalikda men, sen, biz –

Tabiatni asraymiz.

Tabiat:

– Chekayotirsiz zahmat,

Sizga ko‘pdan ko‘p rahmat!

Oyisi:

– Oltin kuz kelgan zamon,

Yoqmaylik aslo xazon.

Bolalar:

– Xazonlarni yoqmaymiz,

Havoni sof saqlaymiz.

Dadasi:

– Plastik, axlat, qog‘oz

Boshqa-boshqa bo‘lsa, soz.

Bolalar:

– Chiqindini olamiz,

Alohida solamiz.

Hamma:

– Birgalikda men, sen, biz –

Tabiatni asraymiz.

Tabiat:

– Tuzalib qoldim bugun,

Rahmat, hammasi uchun.

Oyisi:

– Daraxt eksak yilma-yil,

Yashillanar har manzil.

Dadasi:

– Dunyo bo‘lsa ulkan bog‘,

Inson yashar omon, sog‘.

Hamma:

– Birgalikda men, sen, biz –

Tabiatni asraymiz.