Yaqinda O‘zbekiston Mi­l­liy kutubxonasida o‘tka­­zil­gan “Tong yulduzi” gazetasi tashkil topganining 95 yilligi hamda shu munosabat bilan tahririyat ijodkorlari tayyorlab chop ettirgan “Tong yulduzi yoritgan olam”  nomli kitob taqdimoti, uzoq yillar gazetaning qo‘l-u oyog‘i bo‘lib yelib-yugurib ishlagan fotomuxbir Ravil Albekovning xotirasi va ijodiga bag‘ishlangan “Suratlar ko‘rgazmasi”da qatnashdik. Tad­birda O‘zbekiston Respublikasi Prezidenti Ad­­ministratsiyasi huzuridagi Axborot va om­maviy kommunikatsiyalar agentligi, O‘z­be­­kiston Respublikasi Maktabgacha va mak­tab ta’limi vazirligi, O‘zbekiston Milliy ku­­tubxonasi vakillari hamda “Tong yulduzi” ga­zetasining muxlislari ishtirok etdilar. Ular safida O‘zbekiston Qahramoni Ibrohim G‘a­­furov, Mil­liy Axborot agentligi rahbari Ab­du­said Ko‘chimov, ustoz jurnalistlar Jabbor Razzoqov, To‘lqin Qozoqboyev, Isfandiyor La­tipov, Erkin Malikov kabi taniqli ijodkorlarni ko‘rib, qalbimiz faxrga to‘ldi. Gazeta jamoasini qutlug‘ sana bilan, ajoyib kitob taqdimoti bilan tabriklash uchun so‘zga chiqqanlar bolaliklari, o‘sha paytlardagi orzulari, gazeta bilan bog‘liq quvonchli kunlarini eslashdi. Ularning ko‘zlarida bolalarcha beg‘uborlik va samimiyatni, quvonch yoshlarini ko‘rdik.

“Tong yulduzi” gaze­tasi sal­kam bir asrdan bu­yon yurtimiz bolalariga, ular­ning kelajagi, ma’naviyati, yosh iste’dodlarning kamol topi­shiga ulkan hissa qo‘shib kelmoqda. Har yili o‘nlab  yosh qa­lam­kashlarni tarbiyalab ijodkorlar safiga qo‘sh­moqda. Biz bu gazeta xodimlarini hamisha  g‘ayratli jamoa deb ataymiz. Chunki ular doimo qizg‘in fa­oliyatda.

“Yosh kitobxon – 2022” tanlovining Respublika bosqichi g‘olibi, Prezident sovg‘asi sohibi, “Mard o‘g‘lon” Davlat mukofoti sov­­rindori, “Tong yulduzi” va “Gulxan” jurnalining jamoatchi muxbiri sirdaryolik Yorqinjon Hayitboyev o‘z maqolasida ajoyib bir taklif beribdi. U “Yosh kitobxon” tanlovining 10-14 yosh toifasi ishtirokchilari o‘qishi kerak bo‘lgan kitoblar, nashrlar ro‘yxatiga “Tong yulduzi” gazetasi, “Gulxan”, “G‘uncha” jurnallarini ham kiritish kerak...” deb yozibdi. Bu, albatta, bolalar ijodkorlarini quvontiradigan taklif.

Biz – “Gulxan” jurnali jamoasi, qo‘shni tahririyat – “Tong yulduzi”ni qutlug‘ sa­na, ajoyib kitob hamda kasb bayrami bi­lan samimiy tabriklaymiz. “Tong yul­duzi”dan taralayotgan ziyo yillar osha porlab turishiga ishonamiz.

Gulxanjon