G‘olib – Dilnuraxon
Aziz kitobxonlar! Biz shu kungacha “12 oy – 12 kitob” rukni savollari uchun yuborgan javoblaringizning hech birini e’tiborsiz qoldirmadik. Jurnalning noyabr oyi sonida chop etilgan Rasul Hamzatovning “Mening Dog‘istonim” asari asosida tuzilgan savollarga eng to‘g‘ri va to‘liq javob bergan ishtirokchi Farg‘ona viloyati Quva tumanidagi 61-maktabning 11-sinf o‘quvchisi Haydarova Dilnuraxon bo‘ldi. G‘olib ishtirokchini va’da berganimizdek sovg‘alar bilan taqdirladik. Dilnuraxon tumandagi “Nadimiy” nomli yosh ijodkorlar to‘garagi a’zosi bo‘lib, nazm yo‘nalishida ijod qiladi. She’rlari yurtimizdagi “Gulxan”, “Tong yulduzi”, “Quva hayoti” nashrlarida va Germaniyaning “Raven cage” jurnalida chop etilgan. U kelajakda 10 ta tilni o‘rganib, tarjimon bo‘lishni maqsad qilgan. Biz Dilnuraxonning kelgusidagi rejalarida omad tilaymiz, kitob doim uning umr yo‘lini yoritib borsin.
Siz ham ushbu loyihada ishtirok etib, bilimingizni oshirishingiz, ham kitoblar, jurnalimiz belgisi tushirilgan lavh va yana bir nechta esdalik sovg‘alarga ega bo‘lishingiz mumkin. Javoblarni qancha tez va to‘g‘ri yuborsangiz, g‘olib bo‘lish imkoniyatingiz shunchalik yuqori bo‘ladi. Kitob bilan oshno bo‘ling. Zero, u barcha savollaringizga javob beruvchi va orzularingizga eltuvchi do‘stdir!
Gulxanjon
